ماذا تقول لى حبيبتك فى عيد الحب

استعرض الموضوع السابق استعرض الموضوع التالي اذهب الى الأسفل

default ماذا تقول لى حبيبتك فى عيد الحب

مُساهمة من طرف amr_shawa في الثلاثاء فبراير 12, 2008 10:36 am

في عيد الحب اللي فات .. عقبال عندكو كدة ..
سألتنا حدوتة سؤال .. ايه هو الحب ..
وشوية بنات قالو كلام .. وشوية كتير ما قالوش حاجة ..
وانا كنت منهم .. مش عشان بطنش حدوتة ولا حاجة
بس علشان كل ما احاول لكتب حاجة .. الاقيني اعدة حاطة ايدي على خدي
زي الناس اللي بيحبوا في السينما كدة ..
واكتشف اني بقالي ساعة سرحانة …
ومكتبتش كلمتين مفيدين على بعض ..
وبالصدفة وقع في ايدي الكتاب ده .. في وقت كنت محتاجة فعلاً اني اقراه ..
ومكنتش هلاقي ابداً كلام صادق ومعبر وواقعي زي ده ..ولا كلام اجمل من ده …
وربنا يوعدنا
________________________


الحب ما هو ؟؟؟؟

لو سألني احدكم .. ما هي علامات الحب وما شواهده .. لقلت بلا تردد أن يكون القرب من المحبوبة اشبه بالجلوس في التكييف في يوم شديد الحرارة .. وأشبه باستشعار الدفء في يوم بارد ..لقلت هي الألفة ورفع الكلفة وأن تجد نفسك في غير حاجة الى الكذب .. وأن يرفع الحرج بينكما ، فترى نفسك تتصرف على طبيعتك دون أن تحاول أن تكون شيئاً آخر لتعجبها .. وأن تصمتا انتما الاثنان فيحلو الصمت وأن يتكلم احدكما فيحلوا الاصغاء.. وأن تكون الحياة معاً هي مطلب كل منكما قبل النوم معاً .. وألا يطفئ الفراش هذه الأشواق ولا يورث الملل ولا الضجر وإنما يورث الراحة والمودة والصداقة ..
وأن تخلو العلاقة من التشنج والعصبية والعناد والكبرياء الفارغ والغيرة السخيفة والشك الأحمق والرغبة في التسلط ، فكل هذه الأشياء من علامات الأنانية و حب النفس وليست من علامات حب الآخر ..
وأن تكون السكينة والأمان والطمأنينة هي الحالة النفسية كلما التقيتما ..
وألا يطول بينكما العتاب ولا يجد أحدكما حاجةً إلى اعتذار الآخر عند الخطأ ، وإنما تكون السماحة والعفو وحسن الفهم هي القاعدة ..
وألا تشبع أيكما قبلة أو عناق أو أي مزاولة جنسية ولا تعود لكما راحة إلا في الحياة معاً والمسيرة معاً وكفاح العمر معاً .
ذلك هو الحب حقاً ..
والمشكلة أن يصادف الرجل المناسب المرأة المناسبة
وذلك هو الحب في كلمة واحدة ..التناسب
تناسب النفوس والطبائع ..قبل تنافس الأجسام والعمر والثقافات ...

----------------

مأخوذ من كتاب " أناشيد الإثم والبراءة " لمصطفى محمود
الباب الأول " الحب ما هو ؟ "

amr_shawa
عضو جديد
عضو جديد

ذكر
عدد الرسائل : 13
العمر : 27
العمل/الترفيه : طالب
المزاج : الرومانسية
مزاجي :
الدولة :
تاريخ التسجيل : 09/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

default عيد الحب

مُساهمة من طرف amr_shawa في الثلاثاء فبراير 12, 2008 10:37 am

وانا قعدة بتفرج على التلفزيون اكتشفت ان عيد الحب حيطل علينا يوم الاربعاء ,عشان كدة التلفزيون, الراديو , النت و المحلات اعلنوا حالة تاهب قصوى للمناسبة اللي اكتشفت انها مهمة و انا اللي كنت نايمة و مش دارية بحاجة و اللي زاد من صدمتي سباق المحلات على الاعلانات و طبعا من اجل هذهالمناسبة المقدسة و انا اللي مش دارية , المهم في اعلانات مهزلة بتبين مدى ذكاء اصحاب المحلات , و الاعلان ده بيقول ,مش فاكرة نصه الكامل و ذلك بسبب الزهايمر اللي بقى عندي و دا واضح, المهم انه كان بيقول عايز تشتري لحبيبتك هدية خدلها شكولاطة او دبدوب ولا اقولك اشتري لها موبايل عشان تسمع صوتها كل يوم, اللي متقالش في الاعلان ده كان احسن يقولو , اشتري لها بيت و قابلها فيه كل يوم ولما لا اقضوا الليل هناك.


و في واحد ثاني بيقول هدايا عيد الحب من 1000 جنية لغاية 5000 جنيه , و في ناس مسكينة مش لاقية تاكل و عمرنا مسمعنا عنهم,وفي اطفال يتامى ملهومش اهل و مافيش حد فكر يروح لهم بهدية يفرحهم بيها و كده حيفرح ربنا و حيرضى عنه, وفي ناس حتدفع كل ده في دبدوب ولا في شكولاطة و دي حاجات بالنسبة لي مالهاش قيمة حعمل ايه بدبدوب؟؟ ولا بشوكولاطة؟ و لا بوردة ؟بس بيني و بينكم انا اتصدمت لما شفت الاشهارات دي ولا البرامج . اللي ملهاش كلام غير عيد الحب و الافكار اللي بيدوها للشباب و اللي على رايهم افتكاسات فعلا, اما الشارع فحدث و لاحرج المحلات كلها احمر في احمر و الهدايا المهم اللون الاحمر هو السائد بس بصراحة انا اللون ده مش بيعجبني ,,, بس الحمدلله انا مش مقتنعة بالعيد ده و مش بجيب هدايا و مافيش حد بيحرجني و بيجيب لي هدية عشان صحباتي عارفين موقفي من ده و بالمناسبة هو نوع من الادخار ههههه ,, بس الصراحة مش عارفة الحاجات دى دخلت عندنا ازاى و مش قادرة افهم هي الناس مش قادرة تشغل مخها لمرة واحدة وتعرف ان ده كل كلام و مش موجود في ديننا, و الله ده احنا ناس لازمنا قرن عشان نتغير و نشيل الحاجات الدخيلة علينا, المهم ربنا يستر علينا و خلاص.

amr_shawa
عضو جديد
عضو جديد

ذكر
عدد الرسائل : 13
العمر : 27
العمل/الترفيه : طالب
المزاج : الرومانسية
مزاجي :
الدولة :
تاريخ التسجيل : 09/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى